തലച്ചോറിന്റെ താളംതെറ്റിച്ച് ഓര്മ്മക്കൂട്ടുകള് മറവിയുടെ മാറാലക്കെട്ടിലേക്ക് വലിച്ചെറിയപ്പെടുന്ന അവസ്ഥയാണ് അല്ഷിമേഴ്സ്. ലോകമെമ്പാടുമുള്ള 76 അല്ഷിമേഴ്സ് ഘടകങ്ങളുടെ കൂട്ടായ്മയായ അല്ഷിമേഴ്സ് ഡിസീസ് ഇന്റര്നാഷണലിന്റെ നേതൃത്വത്തിലാണ് ആഗോളതലത്തില് അല്ഷിമേഴ്സ് ദിന പ്രവര്ത്തനങ്ങള് സംഘടിപ്പിക്കുന്നത്. മനുഷ്യരില് ഓര്മകളുടെ താളംതെറ്റിക്കുകയും പതുക്കെ ഓര്മ്മകളെ ഒന്നാകെ കാര്ന്നെടുക്കുകയും ചെയ്യുന്ന രോഗമാണ് അല്ഷിമേഴ്സ്. കഴിഞ്ഞ വര്ഷത്തെ കണക്കു പ്രകാരം സംസ്ഥാനത്ത് രണ്ടുലക്ഷത്തോളം അല്ഷിമേഴ്സ് രോഗികളുണ്ട്. ലോകമാകമാനം മുപ്പതുകോടിയോളം ജനങ്ങള് രോഗം ബാധിച്ചവരായുണ്ടെന്നാണ് കണക്ക്.
